Dexalgin® Tez-tez Verilən Suallar
Simptomları aradan qaldırmaq üçün ən qısa müddət ərzində ən aşağı effektiv dozadan istifadə etməlisiniz.
Dexalgin®, qeyri-steroid iltihabəleyhinə dərmanlar (QSİƏP) qrupuna daxildir. O, orqanizmdə iltihaba və ağrının yaranmasına nəzarət edən müəyyən kimyəvi maddələrin fəaliyyətini əngəlləyərək ağrıkəsici təsir göstərir.
DEXALGIN® yüngül və orta dərəcəli ağrıları müalicə etmək üçün istifadə olunur, məsələn:
əzələ ağrısı (kəskin bel ağrısı, zədə ilə bağlı ağrı);
gərginlik baş ağrıları;
aybaşı ağrısı;
diş ağrısı.
3-4 gündən sonra özünüzü daha yaxşı hiss etməsəniz və ya vəziyyətiniz pisləşərsə, həkimə müraciət etməlisiniz.
Əgər Dexalgin® dozasını qəbul etməyi unutsanız, ikiqat doza qəbul etməyin. Növbəti müntəzəm dozanı vaxtı çatanda qəbul edin.
Dexalgin® ilə müalicəyə başlamazdan əvvəl, böyrək və ya qaraciyər problemləri kimi hər hansı digər sağlamlıq problemlərinizin olub-olmadığını həkiminizə bildirin. Bəzi tibbi vəziyyətlər müalicənizə təsir edə bilər və hətta doza dəyişikliklərinə ehtiyacınız ola bilər.
Qəbul etdiyiniz bütün digər dərmanlar haqqında həkiminizə məlumat verin, çünki onlar bu dərmana təsir edə bilər və ya bu dərmandan təsirlənə bilər. Əgər uşaq sahibi olmağı planlaşdırırsınızsa, hamiləsinizsə və ya ana südü ilə qidalandırırsınızsa, həkiminizi məlumatlandırın.
Bəli, dərmanı acqarına da qəbul etmək olar.
Qida ilə eyni vaxtda qəbul edilməsi dərmanın sorulma sürətini ləngidir, buna görə də kəskin ağrı zamanı dərmanın qəbulu tövsiyə olunur:
- Dexalgin® tabletləri və paketdəki Dexalgin® qranulları üçün yeməkdən 30 dəqiqə əvvəl;
- Daxili məhlul üçün Dexalgin® qranulları və paketdəki Dexalgin® oral məhlulu üçün 15 dəqiqə əvvəl.
Bəli, Dexalgin® qranulları paketlərdə susuz qəbul edilə bilər.
Bu dərmanla müalicə zamanı spirtli içki qəbul etmək tövsiyə edilmir. Çünki bu, mədə-bağırsaq qanaxması, başgicəllənmə, yorğunluq, zəiflik və s. kimi ciddi yan təsirlərin riskini artırır.
Dexalgin® başgicəllənmə, görmə pozğunluqları və ya yuxululuq kimi arzuolunmaz təsirlərə səbəb ola bilər. Bu hallarda reaksiya vermə qabiliyyəti, yol hərəkətində fəal iştirak etmək və maşınları idarə etmək qabiliyyəti pisləşə bilər.